Primary tabs
Submitted by museum on 25.04.2025
Türkmenistanyň Döwlet medeniýet merkeziniň Döwlet muzeýi 2025-nji ýylyň aprel aýynyň 21-27 aralygynda “Halkara Parahatçylyk we ynanyşmak” ýyly mynasybetli Indira Gandi adyndaky lukmançylyk orta okuw mekdebinde “Parahatdyr diýarym eziz Türkmenistanym” atly göçme sergi gurnady.
Sergide türkmen halkynyň milliligini wasp edýän gadymy we häzirki zaman haly önümleri görkezilýär. Olaryň arasynda Türkmenistanyň bäş welaýatynyň gölleri bilen nagyşlanan horjunlar, gadymy torbalar, çuwallar, ikselikler, düýe halyklar we başga-da haly önümleri sergini bezeýärler. Serginiň merkezinde türkmen tebigatyny wasp edýän şekilli haly we serginiň dowamynda gelin-gyzlaryň gadymy lybaslary görkezilýär. Olaryň arasynda düýpli gyňaçlar, keteni köýnekler, ýaşyl kürteler, çyrpylar, şeýle-de türkmen halkynyň öňki döwürlerde gündelik durmuşynda ulanylan esbaplaryny hem görmek bolýar.